Dadhabbii fi balleessaa nu keesssa jirtu qofa calanqiisuu qofa odoo hinta’in akka karaa haarawaan itti of ijaarree qabsoo teenna itti jabeessinuu yaaduu
fi gochuun dirqama. Duratti socho’uu nu barbaachisa akka hama. Garuu waan nu keessaa qabsoo teennatti akka hamaa gufuu ta’e yoomaraa dhoysuu nu hinbarbaachisu. Hadhaa nutti dhagayamtullee karaa karaan calanqiisuun garii natti fakkaata. Mee irra deebine waan Bulloon jedhuu haa laallu.
Akka woraabessa madaayee, madaa ufirratti nyaattanii
Ooltanii uduu hinbulin
Kakuuf hurbuu gantanii
Akka Woraabessa madaayee
Madaa ufirratti nyaattanii
Oromoo waakkattanii
Amaaratti irraa galtanii
Kunoo isinii himnee
Waa itti hinmilkooftanii
Harkaa isin faca’ee
Dharti xaxaa turtani
Oromoon Xophiyaa diddee
Amma akkam taataanii
Silaa sammuma kanaan
Nu hoogganuu feetanii?
Asirrattii dhaabuu fedhaa
Ammaaf dubbii keessani
Yaadachuun natti-dirqamaa
“Hoggana” Minisootaa san
Wereegamtoota lubbuu
Sabaaf jecha kennan
Gootota lafeen isaanii
Bosona Minisootaa guutan
Wereegama hadhayaa
An-takkumaa waa argee
Gootota lafeen margii
Minisootaa irratti marge
Yaa Bosona Minisootaa
Dachii bishaan hinqabne
Udumee diinni guute
Sinbir-sareen keessa h’baane
Ka gaafa duulaa galtu
Oduu isaa fixxee himne!
Yaa “Hoggana” Minisootaa
Biyyeen ana haa nyaattuu
Biyyaaf biyyee taataanii
Qabsoo hidhannoo gootuu
Kuffiftanii kuftanii
isaan yaadachuu hindhiisuu
Seenaan bara baraanii
Siidaa jaaruufii qabnaa
Akkamitti ilaaltanii?
Hajaa Alaa nutti filtee
Bineensa nyaatee h’qufne
Ka ganama kakatu
Ka galgala waakkatu
Ka safuu waanii h’beene
Ka xuuree hin laallanne
Harraagessa ganda keessaa
Ka qawwee argee hinbeenne
Balaccuu akka loonii
Ka garaabaa h’furmine
Maqaa keetiin kadhataa
ka-takkaa hujjee h’beenne
Ka wollaala keessallee
Dhugaan afaanii h’baane
WBO nyaata dhoggatee
ilfinyii keessa ciisaa
Jijjiirama sobaa labsee
Hawaasa addaan baasaa
Maqaa kankeetiin saamee
ittiin uf-qananiisaa
Bakka sokketti-deebee
Tokkummaa jedhee labsaa!
Afaan hara sinqabuu
Guyyaaf halkan qamaataa
Gaafa sitti tole, AFD ta’e jettaa
Jaalala bira-kuttee
Alabaa jaraa uffattaa
Bara dheeraaf, Oromoota dhamaaftaa
Guyya guyyaa Oromoo
Halkan Amaara taataa
Amma kunoo qulqullooftee
Haga Tigiree biyya dhaalchifte
Haga lafee nu cabsite
Haga nu bittinneesite
Haga woraana facaafte
Haga Hawaasa woliin dhoofte
Abashootaan Araaramuuf
Caliin Calanqoo soba jettee
Ah! bar siwoliin rakkannee
Akka dhibee dawaa h’qabnee
Bitaafi mirgatti daaxxaa
Akka saree maraattee
Asiifi achi guluftaa
Eentu eennuun irraa fottoqa jettaa
Ufii Amaaroftee Saballee garas dhiibdaa
Seenaa keenna nu-waakkattaa
Harkaa fi Harma muraan Aanolee
Soba, h’turre, dhara jettaa
Abashoota jalaa guluftaa
Duddaan gadi godhattee
“Abeeti Geetayee!” jettaa
Dubartootaaf marga qabnee
Itillee aftaafi fakkaattaa
Harca’aa funnaannattaa
Feetu Ginboot 7n taataa
Afaan kankee wollaallee
Adiin gurraacha jettaa
Cadhisuullee dadhabnee
Maqaa keennaan daldaltaa
Garaabaa kee irra ooltee
Boru maaliin gaddeebittaa?
Nama siin jechuuf
Woraabesiffoo yaaddaa
Woraabessa siin jechuuf
Miila lamaan adeemtaa
Maal jennee haa si waamnu
Maqaa kan kee nuu himtaa?
Yoomuma akka namaa
Waan jette’rratti argamtaa?
AFDti lammata hindeebu jettee
Sobaan lafa-haxooftee kakattee
Goobana Daacee busheesitaa
Atuu Goobana caaltee
Bakka jirtuu dhiittee baatee
Worraaqaa uf fakkeesitee
Shanee-Gumii arraba itti roobsitee
Akka waan Shanee caaltuu
Bulguu gootee dhiheesitee
Arraba isaan fakkaatu
Farra QBO ta’uu isaanii ibsu
Kan shira isanii ifa baasuu
Gaangee hindhalle jettee
Nu duraanuu nibeennaa
Nuuf dhuga’oomsitee
Gaangee hindhalle ta’uu
Itti mallatteesitee
Chaabbaa’rratti rukutte!
Ajaa-iba rabbii
Afaan kiyya haacituu
Dubbii ima argite
Gaangeen hindhaltuu
Tana dhugama jette!
Ati waa dhugaa hinbeettuu
Tasa irra sii buute
Dhala gaangee teennaa
Haga yoom teennee eennaa
Bara dheeraaf eeggannee
ilmaa fi dubartii itti dhabnee
Bitimaa itti cufannee
Dureessi itti hiyyoomannee
Oromoo isaan seenee
Adaa diina uf irratti moosifnee
Afaan keenna loqonnaan
Dhiiga Oromoo qaban seenee
Adaa ma’iisooni fi ici’aatiin
Akkasuma ihaapaa
Galaafattoota Baaroo Tumsaa
Bara dheeraaf saan-baadhannee
Kunoo amma itti beekkannee.
Akka waan Shanee caaltuu
Gaangee hindhalle jettee
Nama gaangee shanetti baase
Kijibaan dhamaaffattee
Isaa aangoof amuummatuu
Amoolee afoo qabdee
Biyya taatu harkaa h’qabduu
Dirree lolaa keessa hinjirtuu
Jiruu baqaa ka oofattu
Guyyaa adiin sa-boojitee
Barcumaa fafaa irra teessiftee
Mukkure aanne’e!
Kabajaa irraa mulqite
Maaluma itti himtaa
Oromoota Jorjaattii
Maaluma himta Sabattii
Maaluma itti himtaa
Oromoo Denverittii
Dhaqqaboo gaafa rakkoo
Ka ta’an WBOf irkoo
Ka gaafii si hingaaffanne
Qabsoon Sabaa
Deemtee deemuu dhabdee
Ka shakkii sirraa h’qabne
Ka da’imnillee buusii baasu
Ka ijoollen maxaanxee
Qawwee hidhachuuf si rakkisu
Arjaa galaana lubbuu kenne
Ka ulfi garaa jiru miseensaa
Ka jaarsaaf jaartii hinjenne
Arjaa hurgufataa
Ka bikka kenne hinbeenne
Namni garaa waa si nyaatuu
Ati Buluguun dhalattee
Yaboo isaanii nyaattee
Bineensa lugaama hinqabne
Jawwee nama fakkatu
Nyaattee isaan fixxee
Dhalee WBOf kenname
Akka waan kankee ta’ee
Diinaggee irraa dhaabdee
Miseensa miliquun aadaa teetii
Tigree woliin marii gootee
WBO kaloo keenna kaloo sabaa
Ooftee diinaa galchitee
Imimmaan saba keennaa
Miila ittiin dhiqatte.
Akka waan worraaqaa taatee
Shanee keessa dhiittee baate
Akka waan Shanee caaltuu
Gaangee hindhallee jettee
Ati kaa taadhiin keenna
Bilisummaa dorrobdee
Dhaluuf bakka barbaaddee
Dorroba lafaan geettee
Woggaa lama keessatti
Akka dhaltu sabaaf himtee
Ati kaa bilisummaa dorrobdee
Bilisummaa dorrobuu labsitee
Bookkiftee lafa guuttee
Woggaa lama keessatti
Diina woraana jettee
Shakkii tokkoon maletti
Sabaaf waadaa aseentee
Maal dhalina laata
Jettee uduu h’shakkin
Adii baatee uf lallabdee
Bakka hingeenne uf geessitee!
Ee banne!
Gaangee gaagee uduu jettuu
Atilleen gaangiffoo maseentee?
Dhaamsa isa dhumaa
Dhala gaangee teennaa
Haga yoom teennee eennaa
Oromoon hundii keennaa
Wol-malee eennu qabnaa
Harka wol qabannee
Beekaaf wollaalaa
Dhiiraaf dubartii
Uduu hinjenne
Nu Oromoon kutannee
Mudhii teenna jebeeffanee
Diinni diina keennaa
Diinuma keenna jennee
Gaangotumaan alatti
Mala barbaaddannaa
Woma qabnu hindhannee
Diina barbadeesinaa
Shakkii malee injiffannaa!
Bulloo irraa